പൊതുഇടങ്ങളെ മലിനമാക്കുന്ന തരത്തിലാണ് ചില പുരുഷന്മാരുടെ നോട്ടവും കൈക്രിയകളും. ഇത് മലയാളികള്‍ കൂടുതലായി പ്രകടിപ്പിക്കുന്നതായാണ് സ്ത്രീജനങ്ങളുടെ പരാതിയും. ഇതര സംസ്ഥനങ്ങളില്‍ നിന്ന് ഇത്തരം പെരുമാറ്റം നേരിടുമ്പോഴും അത് മലയാളികളാണ് ചെയ്യുന്നതെന്ന പരാതിയും കേള്‍ക്കാറുണ്ട്. എന്തുകൊണ്ടാണിത്? ഇന്ത്യയിലെ ഇതരസംസ്ഥാനവാസികളൊക്കെ അത്ര മാന്യന്മാരും മലയാളികള്‍ മഹാ‍അലവലാതികളും ആണെന്നാണോ വസ്തുത?
ഇതര സംസ്ഥനങ്ങളില്‍ സ്ത്രീകള്‍ക്ക് നേരെ സംഭവിക്കാനിടയുള്ള ലൈഗീകമായ ഒരു ആക്രമണത്തിന്, സാമൂഹികമായ ഒരു അസാധ്യതയുള്ളതിനെക്കുറിച്ച് ആരും ഇതുവരെ പറഞ്ഞ് കേട്ടിട്ടില്ല. സാധാരണ സംഭവിക്കുന്നതെന്താണ്? വഴിയരികില്‍ ഒരു കൂര്‍ത്ത നോട്ടം, ലൈംഗീകമായ ഒരു പ്രദര്‍ശനം, ആള്‍ക്കൂട്ടത്തിനിടയില്‍ സ്പര്‍ശം, ആത്മവിശ്വാസത്തോടെ ഒരു പിച്ചിപ്പറി! ഇവിടൊക്കെ ഒരു നേര്‍ക്ക് നേര്‍ നില്പുണ്ട്. സ്ത്രീയും പുരുഷനും നഗ്നരായിരിക്കുന്ന കിടപ്പറകളിലേതു പോലെ ഒരു നേര്‍ക്കുനേര്‍ പോര്‍.
ഏത് പോരും സാധ്യമാകണമെങ്കില്‍ കുറഞ്ഞത് രണ്ട് പേരുടെ സാന്നിദ്ധ്യം വേണം. ഒരാള്‍ യുദ്ധസന്നദ്ധനാകുമ്പോള്‍ മറ്റെയാള്‍ ഓടിക്കളഞ്ഞാല്‍, അല്ലെങ്കില്‍ ഒരാള്‍ക്കെതിരെ നില്‍ക്കാന്‍ മറ്റൊരാളില്ലാതായാല്‍ അക്രമം ശാരീരികമായി നടക്കുന്നില്ല. രണ്ട് പേര്‍ ഗോദയില്‍ നില്‍ക്കാന്‍ സാധ്യമാകുന്ന സാഹചര്യം ഇന്ത്യയില്‍ ഏതൊക്കെ സംസ്ഥനങ്ങളില്‍ നിലവിലുണ്ടാകാം? സാമൂഹികമായ അന്തരങ്ങള്‍; അവ സാമ്പത്ത്/ജാതി മുതലായവയെ മുന്‍‌നിറ്ത്തി ചിന്തിച്ചാല്‍; മറ്റു സംസ്ഥനങ്ങളില്‍ വളരെ വലുതാണ്. അവിടെ നേര്‍ക്ക് നേര്‍ നില്‍ക്കാനുള്ള സാധ്യത തീരെ ഇല്ലാത്ത സാഹചര്യമാണെന്നാണ്‍ പറഞ്ഞ് വന്നത്.
സാമൂഹികമായ ഒരു തുല്യാവസ്ഥ ഉണ്ടായിരുന്നെങ്കില്‍ കേരളത്തിലേതു പോലെയുള്ള പരസ്യമായ ലൈംഗീക അതിക്രമങ്ങള്‍ എല്ലായിടത്തും ഏതാണ്ട് ഒരേ അളവില്‍ നടക്കാനുള്ള സാധ്യതയെ തള്ളിക്കളയാനാവുമോ?
മലയാളി പുരുഷന്‍ ലൈഗീക അരാജകത്വം ചുമന്നു നടക്കുന്നുവെന്ന ആരോപണം നിഷേധിക്കാന്‍ ആരും തയ്യാറാവാത്തതെന്ത്?
Subscribe to:
Post Comments (Atom)
2 comments:
കഷായം കുറേശ്ശേ കഴിച്ചു തീര്‍ത്താല്‍ മതിയാകുമല്ലോ!
കോള്‍ഡുണ്ട്. പിന്നെ വരാം.
:)
ഓ, പതിയ മതി. എന്നാലേ കഷായത്തിന്റെ കയ്പറിയൂ, മധുരവും!
Post a Comment