ഷേവിംഗ് ടിപ്സ്

ക്ഷൌരം ഒരു പുരുഷന്റെ സ്വകാര്യ സുഖങ്ങളില്‍ ഒന്നാമത്തേതാണെന്ന് പറഞ്ഞാല്‍ ആരൊക്കെ യോജിക്കുമെന്ന് അറിയില്ല.
രാവിലെ, നല്ലൊരു ഷേവും ആഫ്റ്റര്‍ ഷേവ് ലോഷനും കൊതിക്കാത്ത പുരുഷന്മാരുണ്ടോ?

1. താടി രോമങ്ങള്‍ അത്ര മൃദ്ദുവല്ല. അതുകൊണ്ട് ഷേവ് ചെയ്യുമ്പോള്‍ മുഖം ശരിയായി നനയ്ക്കാതിരുന്നാല്‍, മുറിവുണ്ടാകാനും അസ്വസ്ഥകള്‍ ഉണ്ടാകാനും സാധ്യതയുണ്ട്. അതുകൊണ്ട് കുളി കഴിഞ്ഞ് ഷേവ് ചെയ്യുന്നതാണ് ഏറ്റവും നല്ലത്. ജലം വലിച്ചെടുത്ത് മൃദുവായ താടി രോമങ്ങളും മുഖചര്‍മ്മവും ഷേവിങ് വളരെ സുഖകരമാക്കും. കുളി കഴിഞ്ഞ് ഷേവ് ചെയ്യാന്‍ മടിയുള്ളവര്‍, കുറഞ്ഞത് പത്തു മിനിട്ടെങ്കിലും മുഖം നനച്ച് രോമങ്ങള്‍ മൃദുവായതിനു ശേഷം ഷേവ് ചെയ്യുക.
   
2. നന്നായി സോപ്പ്/ഷേവിങ് ക്രീം പതയ്ക്കുക. ഒരു ചടങ്ങിന്‍ ഷേവിങ് ക്രീം പൂശിയിട്ട് ബ്ലേഡ് പ്രയോഗിക്കരുത്. നന്നായി ഷേവിങ്ങ് ക്രീം പതച്ചാല്‍ രോമങ്ങളെ മൃദുവാക്കുന്നതിനോടൊപ്പം ഷേവിങ് സ്മൂത്ത് ആക്കാനും കഴിയും.
3. ഷേവ് ചെയ്യുമ്പോള്‍ ബ്ലേഡിന്റെ ചലനം മുകളിലേയ്ക്ക് ഒരിക്കലും ആകരുത്. താടിയുടെ കീഴ്വശത്തും ബ്ലേഡിനെ താഴോട്ട് മാത്രം വലിക്കുക.
4. രണ്ടാം റൌണ്ട് ഷേവിങ്ങിന്‍ മുമ്പും നന്നായി സോപ്പ്/ക്രീം പത ഉപയോഗിക്കുക
5. ഷേവിങ്ങിനു ശേഷം നന്നായി ആഫ്റ്റര്‍ ഷേവ് ലോഷന്‍ മുഖത്ത് പുരട്ടുക. ഇത് ബ്ലേഡ് അലര്‍ജി, ചെറിയ മുറിവുകളില്‍ നിന്നുള്ള അസ്വസ്ഥതകള്‍ ഇവ ഒഴിവാക്കും. ഒരു ഫ്രഷ്നസും സുഖമുള്ള നേരിയ മണവും ആഫ്റ്റര്‍ ഷേവ് ലോഷനുകള്‍ ഉപയോഗിച്ചാല്‍ ലഭിക്കുകയും ചെയ്യും.

അപ്പോള്‍ പറഞ്ഞതു പോലെ... ഹാപ്പി ഷേവിങ്ങ്!

Blogged with Flock