അറിഞ്ഞതില്‍ നിന്നുള്ള മോചനം

ദിവസവും കുറച്ചു നേരം ഉള്ളിലേക്ക് നോക്കി ഇരിക്കുക.
അറിയാത്തവയെക്കുറിച്ച് ധ്യാനിക്കുക.
“എനിയ്ക്കറിയില്ല” എന്ന് പറയാന്‍ പഠിക്കുക.
അഹംഭാവം ഒഴിഞ്ഞു പോകും.

നിറഞ്ഞ ചായക്കോപ്പയിലേക്ക് പിന്നെയും ചായ പകര്‍ന്ന
സെന്‍ ഗുരുവിന്റെ കഥ അറിയാത്തവരില്ലല്ലോ?

ഉള്ളില്‍ അല്പം ഇടം
എപ്പോഴും ഒരുക്കി വെക്കുക,
അറിവുകളുടെ വരവിനെക്കുറിച്ച്
എനിയ്ക്കറിയില്ലല്ലോ എന്ന് അത്ഭുതം കൂറി
അല്പനേരം ധ്യാനിക്കുക.

അറിയില്ലെന്ന അറിവ്
അറിയാനുള്ള ത്വരയുളവാക്കും.