ഒഴുക്കിനൊത്ത് ജീവിക്കാന്‍ പഠിക്കുക...

“ജീവിതം സ്വാഭാവികവും അപ്രതീക്ഷിതവുമായ മാറ്റങ്ങളുടെ ഒഴുക്കാണ്‍. അതിനെ തടയാന്‍ ശ്രമിക്കരുത്. യാഥാര്‍ഥ്യങ്ങളെ തടയാന്‍ ശ്രമിക്കുന്നതാണ്‍ ദുഃഖങ്ങളുടെ കാരണമാകുന്നത്. സ്വാഭാവികമായ ഒഴുക്കുകളെ പിന്തുടരാന്‍ മാത്രം ശ്രമിക്കുക”
---- ലാവോ ട്സു

1. ജീവിതത്തെ നിയന്ത്രിക്കാന്‍ കഴിയില്ല എന്ന് മനസ്സിലാക്കുക
2. മാറ്റങ്ങളെ ശ്രദ്ധിക്കാനും ഉള്‍ക്കൊള്ളാനും ശ്രമിക്കുക
3. പ്രശ്നഭരിതമായ നിമിഷങ്ങളില്‍, ഒന്ന് പിന്‍‌വലിഞ്ഞ്, വസ്തുതകളെ പുതുതായി നോക്കി, സാവകാശം തീരുമാനങ്ങള്‍ എടുക്കുക
4. മറ്റുള്ളവരെ നിയന്ത്രിക്കാനോ മാറ്റാനോ നിങ്ങള്‍ക്ക് കഴിയില്ലെന്ന് മനസ്സിലാക്കുക
5. പൂര്‍ണ്ണത നല്ലതാണ്‍, പക്ഷേ പരിപൂര്‍ണ്ണതയ്ക്കായി പ്രയത്നം ചെയ്യുന്നത് വിഫലമാകും.
6. ധ്യാനിക്കുക, ഒരു നിമിഷമെങ്കില്‍ ഒരു നിമിഷം.
   

തറവാടി ചോദിക്കുന്നു: പഠിപ്പ് ജോലിക്കോ?

തറവാടിയുടെ പുതിയ പോസ്റ്റ്: തറവാടി ചോദിക്കുന്നു: പഠിപ്പ് ജോലിക്കോ?

ഇതിനോട് ചേര്‍ത്ത് വായിക്കാവുന്ന, കഷായത്തിലെ പോസ്റ്റുകള്‍:

വിദ്യാഭ്യാസം: ചോദ്യങ്ങള്‍
വിദ്യാഭ്യാസം: മത്സരം
വിദ്യാഭ്യാസം: അതിരുകള്‍
വിദ്ദ്യാഭ്യാസം: ഭാവന

മധുരം വചനം: 1

“രണ്ട് ജീവിത രീതികളുണ്ട്. ഒന്ന് അത്ഭുതങ്ങളൊന്നുമില്ലെന്ന് വിശ്വസിക്കുന്നത്. പിന്നൊന്ന് ജീവിതത്തിലെല്ലാം അത്ഭുതങ്ങളാണെന്ന് വിശ്വസിക്കുന്നത്.” - ആല്‍ബെര്‍ട്ട് ഐന്‍സ്റ്റീന്‍

“ലക്ഷ്യത്തില്‍ നിന്ന് കണ്ണുകള്‍ മാറ്റുമ്പോള്‍ കാണുന്ന ഭീകര ദൃശ്യങ്ങളാണ് പ്രതിബന്ധങ്ങള്‍” - ഹെന്‍‌റി ഫോര്‍ഡ്


“ജീവിതത്തെ കൂടുതല്‍ ഗൌരവത്തോടെ സമീപിക്കരുത്. നിങ്ങളൊരിക്കലും അതില്‍ നിന്ന് ജീവനോടെ പുറത്തിറങ്ങാന്‍ സാധ്യതയില്ലാത്തതിനാല്‍!” - എല്‍ബെര്‍ട്ട് ഹബ്ബാര്‍ഡ്

വിദ്യാഭ്യാസം: ഭാവന

പഠനം ഭാവനയെ വികസിപ്പിക്കുന്നതിന്‍ സഹായിക്കുന്നില്ലെങ്കില്‍ എന്താണ്‍ പ്രയോജനം?

സമവാക്യങ്ങളും സിദ്ധാന്തങ്ങളും അറിയേണ്ടതു തന്നെ!
അതായിരിക്കണം അടിത്തറ.
പക്ഷേ, ഭാവനയില്ലാതെ പുതുതായെന്തെങ്കിലും പടുത്തുയര്‍ത്താന്‍ കഴിയുമോ?

ഓഫീസുകളില്‍ ഒരു പൊതുപ്രശ്നമുണ്ട്.
ഭൂരിഭാഗം എപ്പോഴും ഒരു ചൂണ്ടുവിരല്‍ തേടിക്കൊണ്ടിരിക്കും.
അടുത്തത് എന്തെന്ന് സ്വയം ചോദിക്കുകയോ കണ്ടെത്തുകയോ ചെയ്യാന്‍ കഴിവില്ലാത്ത അവസ്ഥ.
പുതുതായി ഒരു വഴി വെട്ടിത്തെളിക്കാന്‍ കഴിയാത്ത അവസ്ഥ.


സ്വയം ചോദിക്കുന്ന ചോദ്യങ്ങളുടെ ചൂണ്ടുവിരല്‍ പിടിച്ച്
ചെറിയ ചെറിയ വിപ്ലവങ്ങള്‍ സൃഷ്ടിയ്ക്കാന്‍ വ്യക്തികള്‍ക്ക്
കഴിയാതിരുന്നാല്‍
വലിയൊരു വിപ്ലവം ഉണ്ടാവുമോ?